حسافتـ عشرتي وياكـ

تهددني بتتركني توّكل ما أبي طاريك
تراني عفت اسلوبك وعفتك قبل اسلوبك

انا ماني بتابع لك وكل همه يجي يرضيك
أنا سيد لأسيادك وفارس رغم عذروبك

تراني يوم أقوول آسفه تحسبني بعد أبغيك
تمهل واسمع الباقي وخل الناس يدرو بك

إذا كان الوفا في الحب تجرحني وذا يرضيك
دخيلك ضــف لي وجهك ترى قلبي مهو بصوبك

أنا لا جبت طاري الحب نطق قلبي وهو شاريك
حرام الّي تسويه أنا ثوبي مهو بثوبك

أقابل حبك الجافي بحب(ن) صادق(ن) يرويك
أشوف الزيف في ظحكك وأجامل واستر اعيوبك

تحملت الخطأ منك كتمته ما أبي أشقيك
صبرت وقلت يتغيّر معا الأيام محسوبك

عطيتك قلبي الغالي رجع لي باكي(ن) يشكيك
يقول أوفيت انا وياه ... طعني ...صار يلهوبك

خذيت القلب ظمدته ....صرخت ...علّتي هي فيك
تشوف الناس تجرحنا وتسمح من لفا صوبك

أبيك اتوب يا قلبي ترا هالحـــب هو يفنيك
أبيك اتوب من عالم تخادع تروي إذنوبك

كفـــــايه ما تحملنا ..كفـــــايه دمعتي تكفيك
كفـــــايه من مآسينا ...كفـــــايه غير ادروبك

كفــــــايه لا تعذبني ...كفـــــايه ما بها تشكيك
كفــــــايه صادقه مني ولك انسان يسمو بك

كثير الّي تمنوني أكابر واعلن التفكيك
أقول .. ( القلب ) ..هو غالي ولا انته قد مطلوبك

حســــــــافه عشرتي ويّاك ..حســـــــــافه كنت في ماضيك
حســــــــافه بختم الأبيات ..وبفرح لحظة إغروبك

اهداااء خاصـ لكل جارح

أقابل حبك الجافي بحب(ن) صادق(ن) يرويك
أشوف الزيف في ظحكك وأجامل واستر اعيوبك

كلماات لا يعلى عليها
تتنضر المزيد من التميز والابدااع

تسلمي يالغاليه

كلمات رائعه الله يعطيك العافيه

كفـــــايه ما تحملنا ..كفـــــايه دمعتي تكفيك
كفـــــايه من مآسينا ...كفـــــايه غير ادروبك

سلمت على هذه الكلمات

رووعه
يعطيك الف الف عافيه
وما ننحرم منك ولامن جديدك