منتديات شموع القلوب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


محتويات المنتدى عن المواضيع التي تهتم بالمجتمع والادب والشعر والصوروالتصاميم والمراة والطفل والتكنولوجيا والنت والموسيقى والتعارف
 
الرئيسيةالبوابةأحدث الصورالتسجيلدخول

 

 فضيحة شباب

اذهب الى الأسفل 
2 مشترك
كاتب الموضوعرسالة
دمعة الليل
مراقب عام
مراقب عام
دمعة الليل


عدد الرسائل : 124
العمر : 37
تاريخ التسجيل : 08/11/2009

فضيحة شباب Empty
مُساهمةموضوع: فضيحة شباب   فضيحة شباب I_icon_minitimeالسبت نوفمبر 14, 2009 9:34 am

بــــــــــــــــــسمـ اللـــــــهـ الـــــــرحمنــ الــــــــرحيمــــ***

يبـتَ لـكم قصـه خطيرهـ

فضيحه آمـآرآتـي ف ستار بوكس ~

للعلـم قصـه آمـآرآتيـه واقعيه


يوم الخميس كان عبد الرحمن وشلته (حوالي 10 شباب ) يالسين في "ستار بوكس " يذكرون ايام المراهقة في الثانوية والتقنية , الي يشوفهم من بعيد بيقول" شو بلاهم ها الميانين" من كثر الضحك الي كانو يضحكونه

كان عبد الرحمن وشلته يالسن بطاولة ع اليمين وفي كم من طاولة فاضية حذالهم وبعدين في طاولة ياسات عليها بنتين واحدة عاطتنهم الظهر ووحدة مجابلتنهم .... وهاي البنتين ما يخصهم بالدنيا ياسات يضحكن و يسولفن روحهم

جان ايي واحد كااااااااشخ ... ماسك موبايل ولا احلى .... والغترة الله يخليكم ما شي ارتب منها .... ويمشي ذيج المشية مال كبارية
باختصار الريال خطيييييييييييييييييييييييييييير بكل شي

الحبيب مر ع عبد الرحمن جان يطالعهم بنظرة خايسة نظرة خبيثة ومتكبرة , كانه يقول " شو ها ... فشلتونا صدق غجر .. عافانا الله منكم " وكمل طريجه فشاف البنتين فيلس بطاولة بين طاولة الشلة و بين طاولة البنات ... يبى يغازل خخخ

بعد ما يلس الخقاق كانت الشلة معصبة فقامت الشلة تبى تسوي ضرابة وياه اكيد بعصبون اهان شرفهم وكرامتهم بذيج النظرة ... جان يهديهم عبد ارحمن وقالهم انا عندي طريقة احلى عشان ننتقم منه
قالوله شو هي ... فطلع موبايله ودخل البلوتوث باسم " بنت " خخخخخخخخ .... وتم يدور ع ها الخقاق لين ما حصلاه

عبد الرحمن " كلي دلع " حق الخقاق : انت وسيم

الخقاق انشق ويه ما صدق جان يضحك ويعدل غترته ... من جهة ثانية الشلة منفجرة ضحك

الخقاق حق " كلي دلع " : شفتي هايل المهابيل يتحرون عمرهم كشخة
جان تعصب الشلة وصلو حدهم لكن عبد الرحمن قالهم " ما اكون عبد الرحمن جان ما فشلته جدام كل الموجودين "

عبد الرحمن " كلي دلع " حق الخقاق : تعال ايلس عدنا

الخقاق بقر عيونه مب مصدق ومتوهق بنفس الوقت

الخقاق حق " كلي دلع " :اخاف ها الشباب يغارون

عبد الرحمن " كلي دلع " حق الخقاق :لا تعال انا اباهم يغارون

الخقاق حق " كلي دلع " :يعني ايي الحين

عبد الرحمن " كلي دلع " حق الخقاق : هي تعال الله يخليك

جان يقوم الخقاق ويدخل كرسيه مكانه وطالع الشله بنظرة تقول " منو قدي انا بيلس ويا البنات " وعدل غترته مره ثانية ... عبد الرحمن وشلته كل واحد حالته حاله ماسك نفسه من الضحك

والخقاق وحليله ما يدري مشى ومشى لين ما وصل حذال طاولة البنات يضحكلهم .... وهن مستغربات شو يبى ها ... فقام وسحب الكرسي ويلس وياهم

جان يقومن البنات ويصرخن عليه وصوتهن هز المكان " انت ما تستحي ... قليل الادب .... انت مب ريال و وو وو الخ

والريال من كثر الخوف قام والكرسي طاح وعين مبقرة من الخوف مب مصدق شو الي استوى

والشلة ماتو من الضحك عليه طاحو ع الارض من كثر الضحك خخخخخخخ

والناس الي ف المركز مب فاهمين شو السالفة يشوفون جهة اليمين من ستار بوكي شباب ميتيين من الضحك وجهة اليسار بنتين يصرخن ع الفقير
طبعا اخقاق المتوهق ما عرف شو يسوي غير انه يذلف من المكان

شو رايكم بالقصة ... تراها صدق استوت
فاحذرو يا الشباب لا تغازلون ترى بطيح ع راسكم شرات ها الفقير
خخخخخخخخخخخخخخخخخخخفضيحة شباب 5487548
يستاهل
الرجوع الى أعلى الصفحة اذهب الى الأسفل
الرومنسي
عضو
الرومنسي


عدد الرسائل : 49
العمر : 40
تاريخ التسجيل : 01/05/2008

فضيحة شباب Empty
مُساهمةموضوع: رد: فضيحة شباب   فضيحة شباب I_icon_minitimeالأربعاء ديسمبر 02, 2009 12:56 pm

فشله يستاهل الله يعطيك العافيه يادمعه
الرجوع الى أعلى الصفحة اذهب الى الأسفل
دمعة الليل
مراقب عام
مراقب عام
دمعة الليل


عدد الرسائل : 124
العمر : 37
تاريخ التسجيل : 08/11/2009

فضيحة شباب Empty
مُساهمةموضوع: رد: فضيحة شباب   فضيحة شباب I_icon_minitimeالإثنين يناير 11, 2010 2:56 pm

لله يعافيك
الرجوع الى أعلى الصفحة اذهب الى الأسفل
 
فضيحة شباب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شموع القلوب :: 
منتدي الشموع العامة
 :: شموع عامه
-
انتقل الى: