بسم الله اولا
العسل
2كيلو سنيدة+1 ليترو الماء +اتاي+قرنفل نديرويهم رزمة صغيرة+نص حامض كنديرو كولشي ف كوكوط و نسدو عليه ش نص ساعة ولا 45 دقيقة
ندوزو دابا لمقادير د شباكية صراحة كتجي بنينا و هشيشة:
زلافة زيت لعود + زلافة زبدة + بيضة واحدة +ملعقة صغيرة خميرة العجين+زلافة لوز محمر و مطحون+زلا فة زنجلان محمر و مطحون+نصف زلافة الخل+2
كوزات+ 1ونص خميرا حمرا+النافع+حبة حلوة+زلافة ماء زهر+قبصة ملح+الزعفران +زلفة دلماء+الدقيق ف الاخير
العجينة تكون لينة لمهيم بالنسبة لحوايج لي نطحنوا ندوزوهم ف الغربال باش متقطع لينا العجينة
انا جيبت ليكم الطريقة بالتفصيل الممل
كنطلقوا العجينة و نقطعوا أشرطة:
ونهزو شريط راس ديالو نلصقوه مزيان باش متحلش لينا ف زيت ونبداو ندورو بكل سهولة و فالأخير نلصقوا راس دشريط مزيان
وهاهيا واجدة نقليوهوم ف زيت ملي يتحمرو شوي نرميوهم ديريكت ف لعسل و نديرو ليهم زنجلان
هاهي الحمدلله شكل جميل و مداق رائع
عجبتني ونقلتها باين انها رائعة
موضوع: افتراضي مفاجأة رمضان 2010 شباكية في متناول الجميع 
الأربعاء أغسطس 25, 2010 11:23 am